heyhooo ihr Piraten der Lust!!!

ufstoh und ab ufa bus zur subway. s linianetz vor subway isch afach riiiiiiiiisig. uf dr karta luagts echt voll kompliziert uus, aber soo schlimm isches i echt denn oh weder ned. am morga han i dr test gmacht, damit d schual mis level wos. i bin ir advanced class nd han am morga schual. dr test han i ir east village school macha müassa.

am nomitag sind mir mit dr schual a bez durch mahattan gloffa, rechtig empire state building. New York isch afach... i wos gär ned wia i es erklära söll. uf da fotes secht ma halt a paar grosse hüüser nd so. aber wenn ma denn echt do stocht nd zu da hochhüüsa uffe luag isches ganz andersch.

zum schluss hät ma üs noch d'schual im empire state building zoget. im 63. stock!!! dr lift isch uhuara schnell!!! ned amol a halbe minuta brucht er. nd d uusicht vom klassazimmer isch afach fantastisch. ir schüaler lobby secht ma sogär d'freicheits statua. ma secht sie zwor nur ganz klii aber ma secht sie.

morn werd i denn d'kamera dabei ha. also i han ganz secher bis ende wocha die erschta fotes parat.

peace,

panda aka dackel aka daniela